علي جوادپور
آناديليميز: نهيه گؤره شعر، سياست آداملارينين ديليندن مقامي گلنده، يئرينده سسلهننده گوجلو و جيددي گؤرونور. بوتون آنلاميني نيشانلاديغي مئساژا يوکلهيير. گوللهکيمي آچيلير. دئيهسن شعر هاميدان چوخ شاعرين اؤز ديلينده گوجسوزدور.
ايللاهدا کي شاعر شعريني يئرلي ـ يئرسيز اوخوماغا اصرارلي اولاندا، بو حالدا شعرده اولان ـ قالان گوج ده سانکي يئللره سوورولور.
ادبياتين يولو هر زامان سياست دئييلن بير گَديکدن کئچير. ادبياتدا سياست واز کئچيلمزدير. دونيانين لاپ بئله تپهدن ديرناغا سئوگيدن يازان قلمي ده هئچ اولماسا ادبيات سياستيني بيلَن بير قلمدير. غيرسياسيليک اؤزو ده سياستطلب ائدن بير شئيدير. بئله هؤرومچک تورويلا قاريشيق توخونمالار کيميدير ادبياتلا سياست موناسيبتي.
دينين سياستله بيرلهشيمي نه قَدَر تهلوکهلي حؤکمرانليقديرسا اونون عکسينه ادبياتين سياستله قارشيليغي اينجه بير اوستاليق طلب ائدن داورانيشدير، قيمتلي سونوجلار اورتاليغا گتيره بيلر. ادبيات سانکي سياستين تيکانليغيندا، داشليغيندا ايپک يولودور.
ادبياتين سياسته ائتکيسي، سئوگيله بسلهنن بير قوچاقليق روحو کيميدير. بوتون مجادلهلري حقيقتدن يانا ائتمک باجاريغي وار بيلهيينده.
شعرينده سسي يئنيلميش کيمي چيخان ميللتين، سياست مئيدانيندا ظفر گؤرهجهيينه اوميدي آزدير. چوخ غريبهدير بونون عکسيني ده دئمک اولار؛ سياستينده آپاريجي بير گوجه دؤنمهين ميللتين ده ادبياتينين سسي ائشيديلمز. اوزاقلارا چاتماز.
گؤزوموزون قاباغيندا بير مصراعنين طالعيني گؤردوک، بوتون وارليغيميزلا ياشاديق؛
»عالم جنته دؤنسه / ياددان چيخماز قاراباغ«
قاراباغ ساواشيندان سونرا بو مصراع تزهدن باشلادي اؤزو اؤز معناسيني آچيقلاماغا. سن دئمه اصيل دؤيوش ديلده گئديرميش، کلمهلر ايللر بويو قانتَر ايچيندهييميش.
ياددا ـ يادداشدا، شعرده، باياتي دا دؤيوش گئديرميش. باشي قاخينجلي اولسا دا تورپاغي ايتَن ميللتين ادبياتي اؤزونو و اوميديني ايتيرمهدي، اوزو آغ چيخدي سوندا...
»آرازي آييرديلار...«دونيانين ان کيچيک شعر بيچيمينده دئييلَن سؤزدور. آتوم گوجونو بير سياست ليدئرينين ديليندن سسلهننده چئوره ده گؤستردي. يئنيدن آنلام قازاندي. دئپرم ياشاتدي.
»حيدر بابايا سلام« پوئماسي اصلينده فولکلوريک مضمون داشييان بير اثردير. سن دئمه بونون دا مشقي فيشنگلرله دولو خشابيندا بير گئرچک قورشون گيزلهنيب قاليرميش يامان گون اوچون.
اينانميرسان او سياسي ليدئر اوخودوغو بو بنديدن سونرا ائشييين هاواسيني بير داها يوخلا »من سنين تک داغا سالديم نَفَسي...«
ديل اؤز ايشيني گؤزل باجاران باجاريقلي اوستا و جانلي وارليقدير. او نهقَدَر رسمي تريبونلاردا ياساق اولسا دا بئله، »فخري« قبرستانليغين جيغيرلاريندا ازو کولهيه يئرييَن رسمي آداملارين غير رسمي دانيشقلاريندان اؤز شيمشهييني چاخماغي باجاراجاق. بلکه بونا گؤره؛»ديلين يانسين « بؤيوک قارغيش ساييليب زامان زامان. آخي ديل يانديراندير!...آخي ديل ياناندير!...
»ديلينه قوربان اولاييم ائليم هئييي...«
Arazazarbaijzn.anadilimiz@gmail.com
دستمزد بالا ميرود، قدرت خريد نه؛ روايت تورم از جيب کارگران
آموزش رايگان در عمل وجود ندارد
قطعات يک و دو آزاد راه اروميه-تبريز زيربار ترافيک مي رود
اروميه در آستانه نوروز ساماندهي ميشود
تأکید بر شتاببخشی پروژههای ریلی آذربایجانغربی در نشست استاندار با مدیرعامل راهآهن
تقدير حقيقي؛ رفع مشکلات معيشتي مردم است
حتي پزشکيان هم قدرت حذف رديفهاي بودجه خوار را ندارد
ايجاد منطقه آزاد مشترک بينالمللي بين ايران و ترکيه شتاب ميگيرد
هشدار! شوک ارزي دارو خطرناک خواهد بود
بازار لباس به سمت مدلزدگي رفته، نه پوشش
درباره آراز آذربایجان